AMPLÍASE ATA O DÍA 20 O PRAZO DE PREINSCRICIÓN PARA AS ACTIVIDADES EXTRAESCOLARES

Benqueridas familias,

O prazo de presincrición das actividades extraescolares amplíase ata o próximo martes, día 20, para que apuntedes aos vosos rapaces se aínda non o fixestes. Pedimos especialmente a colaboración das familias con interese en que os seus fillos participen nas actividades pero que aínda non se decidiron a inscribilos para que o fagan neste novo período, porque hai bastantes extraescolares que deste xeito poderían acadar o mínimo esixido para celebrarse.

Para que vos poidades orientar, informámosvos de como está a situación nestes momentos:

As actividades que forman grupo porque teñen xa suficientes nenos inscritos son:

• Patinaxe, os luns e os mércoles de 16 a 17 h. Ambos os dous grupos chegaron ao máximo permitido, polo que non se poderá apuntar neles ningunha persoa máis. 
• Sonicreques, nas dúas quendas (martes, de 16 a 17 h e de 17 a 18 h).
• Baloncesto (martes e xoves de 16 a 17 h). O grupo do martes está no máximo permitido, polo que non se poderá apuntar nel ningunha persoa máis.
• Primeira queda de Robótica (mércores de 16 a 17 h), que está no máximo permitido, polo que non se poderá apuntar nel ningunha persoa máis.
• Inglés de Educación Infantil (mércores de 16 a 17 h)
• Fútbol, nas dúas quendas (venres, de 16 a 17 h e de 17 a 18 h).
• Judo para Educación Primaria (martes e xoves de 17 a 18 h).

Ademais, hai actividades que non chegan ao mínimo requirido, pero poderían saír adiante se se inscriben máis persoas. Son:

• Lingua de signos (luns de 16 a 17 h), que ten 6 inscritos e precisa 8.
• Patinaxe o luns de 17 a 18 h, que ten 4 inscritos e precisa 7.
• Baile moderno (luns e xoves de 16 a 17 h), que ten 5 e 6 inscritos respectivamente e precisa 8.
• Ximnasia rítmica (mércores de 17 a 18 h), que ten 5 inscritos e precisa 8.
• Segunda queda de Robótica (mércores de 17 a 18 h), que ten 3 inscritos e precisa 8.
• Judo para Educación Infantil (martes e xoves de 16 a 17 h), que ten 5 inscritos e precisa 8.
• Brain Factory Kitsune, para Educación Infantil (xoves de 16 a 17 h), que ten 2 inscritos e precisa 4.
• Brain Factory Aloha, para Educación Primaria (martes de 16 a 17 h), que ten 5 inscritos e precisa 6.

No que se refire a inglés para Educación Primaria, ningún dos grupos chegan ao mínimo necesario, polo dende The Big Apple Study Center nos propoñen pasar de tres grupos a dous: o luns terán clase os alumnos de 1º, 2º e 3º de Primaria; mentres que os nenos de 4º, 5º e 6º de Primaria terán clase o martes ou o xoves. Por favor, as familias que teñades nenos preinscritos en inglés  en 4º, 5º e 6º curso enviádenos un email ao correo da ANPA (apaherrerias@gmail.com) dicíndonos que día preferides, e a semana que vén informarémosvos do día que queda finalmente.

Por último, multiactividade e multideporte retíranse da oferta ao non haber apenas persoas inscritas en ningunha das quendas.

A preinscrición dos nenos nas extraescolares faise a través das seguintes ligazóns:

• Aquí para todas as actividades (a excepción de judo e patinaxe).
• Aquí para judo.
• Aquí para patinaxe. 

Unha vez que estea confirmado que hai grupo das actividades que escollestes, para formalizar a inscrición nelas hai que realizar un pago de 20 euros por neno (que se destinan á matrícula e ao seguro) mediante transferencia bancaria na nosa conta bancaria (ARQUIA Banca: IBAN ES62 3183 1500 9631 1975 0523) e enviarnos o xustificante de pago ao noso email (apaherrerias@gmail.com). É IMPRESCINDIBLE para comezar as actividades en outubro.

Ademais, e como xa sabedes, para poder participar nestas actividades é necesario que a familia sexa socia da ANPA cubrindo o formulario de inscrición está neste mesmo blog) e aboando a cota anual de 15 euros por familia (independentemente do número de fillos).

Unha aperta!

ANPA Herrerías