Benqueridas familias,
Dende hoxe e ata o día 15 de setembro (incluído) está aberto o prazo de inscrición nas extraescolares para o curso 2025/2026.
A confirmación das actividades nas que finalmente se cree grupo (por haber suficientes persoas inscritas nelas) farase na segunda quincena deste mes de setembro, e as clases e adestramentos comezarán no mes de outubro.
No arquivo que vos enviamos podedes ver o horario no que se desenvolverán cada unha delas e a súa descrición. Ademais atoparedes información sobre como realizar a inscrición, prezos e condicións para que as propostas poidan saír adiante.
Como veredes no documento anexo algunhas actividades comezan en horario de comedor, ás 15:15 e as últimas rematan ás 18:00h.
Mantéñense moitas das actividades ofrecidas nos cursos anteriores e inclúense novidades en función dos resultados da enquisa realizada entre as familias antes das vacacións de verán.
Como cociña e apoio escolar.
Un ano máis contamos coa empresa Serocio como proveedora
de servizos e coa fin de enriquecer a oferta e facilitar a conciliación este curso poñemos tamén á vosa disposición propostas da Federación Provincial de Centros Públicos da Coruña. Entre elas Xadrez, Xogos Tradicionais e Mans que falan.
E completamos a proposta con outras empresas especializadas como Sonicreques, Robótica, Os xogos de Taboleiro de Crecer creando ou a Academia de inglés In English please.
SERVIZO DE CONCILIACIÓN NO MES DE SETEMBRO
Ao non inscribirse o número mínimo de alumnos requerido na actividade CÓXEGAS. Este ano NON haberá servizo de conciliación en setembro.
Se tedes dúbidas podedes envialas, coma sempre, ao noso mail apaherrerias@gmail.com.
Animámosvos a apuntar ao alumnado e entre todos e todas construir unha comunidade educativa de aprendizaje, saúde e benestar.
Unha aperta e moito ánimo na costa de setembro.
ANPA Herrerías
No hay comentarios:
Publicar un comentario