Benqueridas familias!

Debido á festa de Samaín mañá non haberá actividades extraescolares a partir das 16 h. Haberá un servizo de conciliación opcional de 16 a 17 h para os rapaces apuntados a estas actividades (teatro, inglés e robótica) e que non poidan ser recollidos antes polas súas familias.

A actividade de Manualidades (que se fai en horario de 15:30 a 16:00 h) desenvolverase con normalidade.

Aproveitamos para contarvos que a ANPA conta a partires de agora cunha conta en Instagram, podedes seguirnos nesta ligazón!

Ademais, coma sempre, podedes enviarnos as vosas consultas e achegas á nosa conta de e-mail: apaherrerias@gmail.com 

Unha aperta!

ANPA Herrerías

Benqueridas familias,

Dende o Concello da Coruña infórmannos de que o próximo 26 de outubro, sábado, haberá programadas diversas actividades para a cativada en centros cívicos e mercados da cidade, onde poderán divertirse e desenvolver a súa creatividade. 

Tedes máis información no QR desta imaxe: 

ANPA Herrerías

Benqueridas familias,

Mañá as actividades extraescolares realizaranse con normalidade, xa que se trata de clases que se fan todas todas no interior do colexio (manualidades, teatro, inglés e robótica) e a alerta laranxa polo vento só afecta ás actividades que se desenvolven ao aire libre.

Unha aperta!

ANPA Herrerías

Benqueridas familias,

Mañá comezan as actividades extraescolares do curso 2024/2025! Por favor, lembrade ser puntuais nos horarios de entrega e recollida para facilitar o desenvolvemento das actividades. 

Ningún rapaz poderá marchar só, ou con alguén que non sexa unha persoa previamente autorizada, se non ten unha autorización escrita para facelo. No caso dunha urxencia ou dun caso puntual é preciso poñerse en contacto con SerOcio para comunicarlle o nome e o DNI da persoa que vai recoller ao neno ou nena ese día.

Recordade que se NON sodes socios da ANPA deberedes abonar unha COTA DE MATRICULACIÓN de 22 euros anuais por familia, como usuarios das actividades, que servirá para financiar o servizo de coordinación de extraescolares. 

Para iso tedes que facer unha transferencia ao número de conta ARQUIA Banca IBAN ES62 3183 1500 9631 1975 0523 indicando no concepto da transferencia "COTA ACTIVIDADES 2024/25 e nome e apelidos do alumno/a” e enviar o xustificante de pago ao noso correo electrónico apaherrerias@gmail.com.

Se sodes socios/as da Anpa Herrerías ESTA MATRÍCULA É GRATUITA.

No caso de que, unha vez iniciadas as clases, alguén queira darse de baixa ou de alta nalgunha actividade, poderá facelo (sempre que existan prazas libres) enviando un e-mail a actividades.serocio@gmail.com antes do día 26 de cada mes, e a modificación terá efectos a partir do mes seguinte.

Unha aperta!

ANPA Herrerías

Benqueridas familias,

Ata o día 26 de setembro estará aberto o prazo de preinscrición para o Programa de Natación Escolar nos centros educativos públicos do Concello da Coruña que este ano está dirixido ao alumnado de 3º e 4º de Educación Primaria. As clases realizaranse na piscina do Clube do Mar de San Amaro os mércores de 17:15 h. a 18:00 h. entre o 14 de outubro e o 30 de maio.

As persoas interesadas en inscribirse deben enviar un mail cos seus datos (nome do/a menor, nome/s do/s pai/s ou titor/es e datos de contacto) á dirección de e-mail da ANPA (apaherrerias@gmail.com) ata o 26 de setembro. As prazas asignaranse por orde de solicitude ata un máximo de 15, que son as que o Concello concedeu ao CEIP Cidade Vella.

O custo por alumno é de 55,07 euros (que inclúe, ademais das clases, o traslado en autobús e a cobertura sanitaria). As persoas que realicen a preinscrición deberán formalizala no Clube do Mar de San Amaro, do 30 de setembro ao 4 de outubro entregando a folla de inscrición cuberta e realizando alí o pago da actividade.

O traslado dende o colexio ata a piscina farase en autobús. A campaña esixe que cada centro garanta a presenza dun adulto para responsabilizarse dos alumnos durante o tempo que permanezan na parada. Polo tanto, é IMPRESCINDIBLE que haxa algún voluntario para ser o coordinador/a da campaña de natación (algo do que debe informarnos á hora de escribirnos para facer a preinscrición).

Neste sentido, aclaramos que esta actividade non a organiza a ANPA Herrerías, senón o propio Servizo municipal de deportes do Concello da Coruña.

As sesións son de 45 minutos, e os nenos teñen dez minutos antes e despois para cambiarse. Deste xeito, a recollida farase no colexio ás 16:55 h e o horario de entrega será ás 18:25 h.

Compartimos con vós a folla de inscrición que debedes levar cuberta á hora de formalizar á inscrición no Clube do Mar. Para calquera aclaración sobre a actividade debédesvos dirixir ao Servizo Municipal de Deportes, a través do teléfono 981189800.

Unha aperta!

ANPA Herrerías

Benqueridas familias,

Unha vez rematado o prazo de preinscrición, actualizamos toda a información referente ás actividades extraescolares:

ACTIVIDADES CON CUPO COMPLETO (NON admiten máis inscricións):

• Inglés de 3º e 4º de Educación Primaria
• Robótica na primeira hora
• Yoga en familia
• Sonicreques para Educación Primaria.

QUEDAN FÓRA POR FALTA DE INSCRICIÓNS:

• Fun English de martes e venres
• Crea e experimenta
• Predeporte
• Atletismo de Educación Infantil
• Pinta e crea
• Ilustración e cómic
• Inglés de 5º e 6º de Educación Primaria

Ademais, unifícanse os grupos de fútbol, que pasará a ser só os venres ás 16 h.

Para o resto de actividades abrimos un PLAZO EXTRAORDINARIO DE PREINSCRIPCIÓN e podedes anotarvos dende agora e ata o 25 de setembro nesta ligazón.

A asignación de prazas farase por rigorosa orde de inscrición.

Lembrade que aquí tedes toda a información referente ás actividades extraescolares.

Unha aperta!

ANPA Herrerías

Benqueridas familias,

Ata o día 18 de outubro está aberto o prazo para solicitar o Bono Concilia Familia, unha axuda económica da Xunta de Galicia para financiar servizos de conciliación contratados polas familias con nenos e nenas de ata 13 anos durante as vacacións escolares ou ante necesidades puntuais. 

Esta axuda está destinada a subvencionar a contratación de persoas coidadoras a domicilio, campamentos, ludotecas ou outros servizos autorizados pola Consellería de Política Social e Igualdade.

Poden solicitalo  aquelas familias:

• que residan en Galicia
• que teñan alomenos unha nena ou un neno de ata 13 anos de idade (nacidos despois do 1/1/2011)
• nas que os dous proxenitores traballen no período solicitado (ou un no caso das familias monoparentais)

Tedes toda a información nesta ligazón.

Unha aperta!

ANPA Herrerías

Benqueridas familias,

Mañá remata o prazo de inscrición nas actividades extraescolares para o curso 2024/2025! Aínda estades a tempo de apuntar á cativada!

Nos próximos días confirmarémosvos as extraescolares nas que finalmente se cree grupo (por haber suficientes persoas inscritas nelas), e as actividades comezarán en outubro.

Tedes toda a información nesta ligazón.

Unha aperta!

ANPA Herrerías

Benqueridas familias, 

Facémosvos chegar o menú do comedor para o primeiro trimestre. 

Unha aperta!

ANPA Herrerías