AXUDA DE 150€ POR FILLO/A PARA O COMEDOR ESCOLAR (CURSO 2025/26

Estimadas familias:

Informámosvos de que a Xunta de Galicia convocou unha axuda directa de 150 euros por fillo ou filla para compensar os gastos do comedor escolar deste curso. Ao ser o noso comedor de xestión externa (non xestionado pola Consellería), as familias do noso centro podedes solicitala.

📋 Requisitos principais:

• Asistencia: Ter usado o comedor polo menos o 40% os días lectivos do curso.

• Renda: Ter unha renda per cápita familiar igual ou inferior a 6.000 € (calculada coa declaración da Renda de 2024).

📅 Prazo de solicitude:

Do 6 de xullo ao 6 de agosto de 2026 (ambos incluídos). As solicitudes fóra de prazo serán rexeitadas.

💻 Como se solicita?

A tramitación é estritamente electrónica a través da Sede Electrónica da Xunta de Galicia. Precisaredes un sistema de sinatura dixital (Chave365, DNI electrónico ou certificado dixital). Preséntase unha única solicitude por familia para todo o alumnado da mesma unidade familiar escolarizado no centro.

📄 Documentación obrigatoria do comedor (Anexo III):

Para xustificar a asistencia e o gasto, a normativa esixe presentar asinado o Anexo III (unha declaración responsable da empresa do servizo).

⚠️ AVISO IMPORTANTE SOBRE A DOCUMENTACIÓN:

Por motivos de protección de datos, a escola / a ANPA non xestiona nin custodia estes datos de facturación e asistencia. Debedes solicitar este documento (Anexo III) directamente á empresa contratada que xestiona o comedor, quen vos facilitará o certificado cos días de asistencia do voso fillo ou filla, o prezo diario e o importe total que tedes abonado.

Aproveitade estes días previos ao inicio do prazo para contactar coa empresa e ter a documentación lista.

🔗 Acceso ao trámite:

Deixámosvos o enlace aquí abaixo para consultar as bases completas e iniciar a solicitude electrónica a partir do luns:

https://www.xunta.gal/es/notas-de-prensa/-/nova/026115/las-nuevas-ayudas-familias-para-comedores-escolares-podran-solicitarse-entre

Atentamente,

ANPA Herrerías

_____________________

📢 FAMILIAS , mantédevos informadas de todas as novidades da ANPA!

💚 WHATSAPP

https://whatsapp.com/channel/0029VbBJVqd0AgW6mhaehN3G

🌈INSTAGRAM

https://www.instagram.com/anpaherrerias?igsh=MWp1MTF5bGl2aXhu