Benqueridas familias,
Nas próximas semanas cada actividade extraescolar organizará unha mostra ou xornada de portas abertas ás familias para que poidades ver e desfrutar dos progresos da rapazada. Facémosvos chegar o cadro coas datas das distintas exhibicións que, ao igual que o curso pasado, terán lugar no propio colexio.
As mostras terán lugar no horario habitual da actividade. Pregamos máxima puntualidade ás familias para non entorpecer o funcionamento do centro: de non estar presente no momento de apertura da porta do colexio non se poderá acceder despois.
Ademais, lembrámosvos que as actividades extraescolares inclúen o mes de xuño ata o remate do período lectivo, sempre que non haxa baixas que obriguen á cancelación da actividade por non cumprir o número mínimo de inscritos. Neste caso, buscaremos solucións de conciliación alternativas.
Se alguén ten intención de causar baixa nalgunha actividade extraescolar o próximo mes de xuño, debe comunicalo o antes posible enviando un email a actividades.serocio@gmail.com co fin de reorganizar os grupos de ser necesario.
Unha aperta!
ANPA Herrerías
No hay comentarios:
Publicar un comentario