Benqueridas familias,
O Concello da Coruña vén de publicar a listaxe provisional de concesión e denegación das solicitudes da convocatoria de bolsas municipais de comedor para o curso 2022-2023. Pódense consultar:
- No taboleiro de edictos.
- Na páxina web de servizos sociais.
- Nos taboleiros dos centros cívicos municipais.
Os listados identifican as solicitudes atendendo ao código de asento de rexistro da solicitude inicial e ao número de expediente asignado.
O prazo para a presentación das alegacións é do 12 ao 26 de xullo de 2022, ambos incluídos, e poderá presentarse, previa cita (que se pode solicitar no 010 ou online), nos rexistros municipais (Praza de María Pita, Fórum Metropolitano, Centro Ágora e Franxa), no rexistro telemático da sede electrónica municipal ou en calquera outro dos previstos na Lei 39/2015, do 1 de outubro, do Procedemento Administrativo Común das Administracións Públicas.
No hay comentarios:
Publicar un comentario