INSCRICIÓN NOS SERVIZOS DE COMEDOR, MADRUGADORES E CAMBIADORES

Benqueridas familias, 

Informámosvos de que o prazo de inscrición para os servizos de comedor, madrugadores e cambiadores estará aberto do día 10 ao 30 de agosto. Como xa se fixo nos últimos anos, realizarase a través da web de Jardanay cos seguintes identificadores:

• Usuario: cidadevella 
• Contrasinal: comedores2022

Lembramos que para poder utilizar estes servizos é IMPRESCINDIBLE: 

1. Ser socios da ANPA. É necesario inscribirse cada curso (aínda que xa se fixese en anos anteriores) dende o apartado Inscrición ANPA desta mesma páxina web.
2. Pagar anualmente a cota de 15 euros por familia no número de conta indicado no formulario de inscrición.
3. Enviar o xustificante do pago ao noso mail (apaherrerias@gmail.com).

Por último, lembramos que a solicitude da bolsa comedor non equivale a un posto no comedor do colexio, polo que é preciso facer a inscrición tal e como se vén de explicar. Ademais, mentres non estea concedida a bolsa débese pagar igualmente o servizo á empresa Jardanay. 

Unha aperta e feliz verán!!

ANPA Herrerías